-अरुण नदी खत्री 

 

चियापसलमा पुगेर साहुनीसँग चिया खान मन लागेर एक कप चिया र एक पुरिया बिस्कुट मागें । साहुनी चिया बनाउन थालिन् । बिस्कुट निकालेर दिइन् । बिस्कुट खाँदै गर्दा दुइजना सँगै काम गर्ने कार्यालयका साथीहरू आएर चिया मगाएर मैले खाँदै गरेको पुरियाको बिस्कुट हातले निकालेर खाए । साहुनीले चिया तयार भएपछि हामी तीनैजनालाई दिइन् । तीनैजनाले गफगाफ गर्दै चिया खाएर सक्ना साथ मैले आफूले मागेको विस्कुट र एक कप चियाको पैसा साहुनीलाई दिएँ । ‘तपाईंहरूले खाएको चियाको पैसा तिर्नुहोला नि बिस्कुटको र मैले खाएको चियाको पैसा मात्रै मैले तिरेको छु‘ भनें ।‘हामी त तपाईंलाई देखेर पो चिया खान आएका हौं‘ उनीहरूले भने. ।हामी बीचको कुरा सुन्दै गरेको अर्को ग्राहकले ‘उनीहरू त साहुनीकी छोरीसित आँखा जुधाउन, उसलाई जिस्क्याउन पो चिया खाने बहाना बनाएर आएका हुन् त ! भन्दै मुख छोडी हाल्यो ।